Ish-kandidatja për kryetare të Gjakovë nga radhët e PDK-së në zgjedhjet e fundit lokale, Arbnesha Kuqi, është zgjedhur sot kryetare e Asamblesë komunale të Gjakovës.
Kuqi mori 20 vota përballë kandidatit të Lëvizjes Vetëvendosje, Mustafa Domi, që arriti të marrë vetëm dhjetë, derisa 4 asamblistë të tjerë abstenuan.
Në fjalën e saj përshëndetëse Kuqi i falënderoi këshilltarët komunal për besimin e dhënë dhe premtoi zbatim të ligjit, korrektësi, paanshmëri si dhe u shpreh se do të jetë bashkëpunuese me të gjithë asamblistët pa dallime partiake.
Ndryshe Asambleja Komunale e Gjakovës ka 35 anëtar: 11 AAK, 10 VV, 5 PDK, 4 PSHDK, 4 LDK dhe 1 Nisma Socialdemokrate.
Më herët gjatë ditës, sot u betua edhe kryetari i Komunës, Ardian Gjini, që nisi zyrtarisht mandatin e dytë në krye të Gjakovës./Telegrafi/