Prezantuesja e njohur shqiptare, Arbana Osmani, ditën e sotme (e hënë) është bërë nënë për herë të dytë.
Ajo dhe partneri i saj, regjisori Eduart Grishaj mirëpritën fëmijën e parë së bashku, një djalë.
Lajmi u bë i ditur nga vet Grishaj, i cili ndau një fotografi me të birin në llogarinë personale, Instagram.
“Lindi Dielli”, ka qenë mbishkrimi i fotografisë.
Ndërkohë, urimet krahas postimit nuk munguan as nga miqtë e ndjekësit që numëron regjisori në këtë rrjet të popullarizuar.
Ky njëherësh është fëmija i parë për Eduardin, kurse i dyti për moderatoren e njohur pasi ajo ka një djalë nga martesa e saj e mëparshme.
Të njëjtit njoftuan se po bëhen prindër në ditëlindjen e tyre, saktësisht më 7 maj. /Telegrafi/