Fondi i investimeve të Arabisë Saudite ka nisur bisedimet për blerjen e licencës për turneun e tenisit ATP Masters 1000. Opsioni i parë i konsideruar ishte një konkurs në Shangai, por alternativa të reja tani janë shfaqur.
Është e rëndësishme të theksohet se ka pasur diskutime për Turneun e Kampionëve 2024 që do të mbahet në Zonën e Gjirit.
Megjithatë, The Athletic raporton se ekziston mundësia që një fond investimi nga Arabia Saudite të blejë licencën për turneun Masters.
Tashmë janë zhvilluar bisedime me kompaninë IMG, e cila ka licencën për Madridin dhe Miamin dhe IMG ka marrë një investim prej 400 milionë dollarësh nga Arabia Saudite.
From @TheAthletic: Saudi Arabia is pushing to purchase two of the most prestigious tournaments in professional tennis. https://t.co/1U8pScbBJ2
— The New York Times (@nytimes) November 3, 2023
Presidenti i Federatës Italiane të Tenisit tha pak javë më parë se turneu i ri ATP Masters 1000 do të jetë pjesë e ATP nga viti 2025 dhe gara do të luhet në fillim të vitit, pak para Australian Open.
Burimi i cituar thekson se fondi i investimeve është gati të paguajë qindra milionë euro për licencën. Problemi i parë me të cilët do të përballeshin arabët është se turneu i Miamit ka pësuar një ndryshim të vendit dhe është planifikuar një investim i rëndësishëm për të ardhmen.
Megjithatë, IMG do të pranonte të shesë licencën për Madridin, pasi ka turne të tjerë të mëdhenj në baltë që zhvillohen në të njëjtën kohë. Bëhet fjalë për garat ATP në Romë apo Monte Karlo.
Kështu, një nga turnetë më të famshëm të tenisit mund të zhvendoset në Shtetin e Gjirit./Telegrafi/