Arabia Saudite tha të shtunën se po hiqte shumicën e kufizimeve të vendosura për shkak të Covid-19, duke përfshirë distancimin social, lëvizje që mund të lehtësonin ardhjen e pelegrinëve myslimanë.
Vendimi përfshin pezullimin e “masave të distancimit social në të gjitha vendet e hapura dhe të mbyllura”, duke përfshirë xhamitë, tha Agjencia zyrtare e Shtypit Saudite, duke cituar një burim të ministrisë së brendshme, përcjell Telegrafi.
Maska do të kërkohet vetëm në ambiente të mbyllura, sipas vendimit, i cili ka hyrë në fuqi të shtunën.
Mbretëria Saudite, e cila është shtëpia e dy vendeve më të shenjta të Islamit në Mekë dhe Medinë, nuk do t’u kërkojë më udhëtarëve të vaksinuar të japin një PCR negative ose test të shpejtë përpara mbërritjes së tyre në mbretëri ose të karantinohen, tha SPA.
Pandemia e Covid-19 ka ndërprerë jashtëzakonisht pelegrinazhet myslimane, të cilat zakonisht janë ngjarjet që sjellin fitimet kryesore për mbretërinë, duke sjellë rreth 12 miliardë dollarë në vit. /Telegrafi/