Shifrat e para të shitjeve për iPhone 4S janë publikuar dy ditë pasi që i njëjti ka filluar të shitet në dyqanet e Apple dhe operatorëve mobil nëpër botë, ndërsa vetëm nga para-porositë janë shitur mbi 4 milionë copë.
“iPhone 4S ka pasur një fillim të shkëlqyeshëm, me më shumë se 4 milionë copë të shitura në javën e parë të lansimit, dhe ky numër është rreth dy herë më i madh, krahasuar me shitjet e iPhone 4, në tri ditët e para të paraqitjes në treg” ka thënë Philip Schiller, zv. president i Apple për Marketingun Global të Produkteve të kompanisë.
“iPhone 4S është një hit i vërtetë në mbarë botën, së bashku me iOS 5 dhe iCloud. iPhone është telefoni më i mirë i bërë ndonjëherë” ka thënë ai.
Në të vërtetë është kështu siç ka thënë përfaqësuesi i Apple, pasi që iPhone ka thyer të gjitha rekordet e shitjeve për një telefon të mençur mobil. / Telegrafi /