Apple po punon t’i bëjë laptopët Mac me ekrane me prekje, sipas një raporti nga Mark Gurman i Bloomberg.
Ndonëse është e pasigurt nëse pajisjet do të dalin vërtet në treg, Gurman thotë në një postim në Twitter se ne mund të shohim një MacBook Pro me ekran me prekje që në vitin 2025. Raporti gjithashtu vë në dukje se ekranet mund të përdorin teknologjinë OLED, në krahasim me ekranet Mini LED që aktualisht janë në modelet 14 dhe 16 inç, transmeton Telegrafi.
Projekti duket se është në faza relativisht të hershme, derisa inxhinierët janë “të angazhuar në mënyrë aktive”, sipas raportit.
Gurman thotë se nuk ka plane përfundimtare për lansimin e Mac-ve me ekran me prekje dhe se planet mund të ndryshojnë gjithmonë – ne kemi parë projekte të anuluara nga Apple më parë, dhe kompania ka bërë prototip Mac me ekrane me prekje që nuk e pa askush, sipas Craig Federighi. /Telegrafi/
