Thashethemet për Apple janë gjithmonë intriguese. Këtë herë, faqja japoneze Macotakara ka lëshuar një imazh që thuhet se është iPhone 7s ose sido që Apple do ta quaj versionin e përmirësuar të iPhone 7.
Pjesa më interesante e imazhit të ri është vendosja e kamerave dyshe. Senzorët e kamerave janë ende në pjesën e sipërme të së majtës së pajisjes, mirëpo kamerat janë të vendosura në mënyrë vertikale dhe jo horizontale si në iPhone 7 Plus.
Burimet poashtu raportojnë se telefoni i ardhshëm nga Apple do të ketë ekran prej 5 inç, ndërsa modeli Plus do të ketë madhësi ekrani prej 5.8 inç.
Specifikat janë ende të paqarta dhe të gjitha spekulimet e deritanishme zbulojnë detaje të jashtme si dizajnin nga xhami, adapterin pa kabllo dhe ekranin OLED.
Kjo nuk është hera e parë që kemi dëgjuar për specifika të tilla. Vitin e ardhshëm Apple do të festojë 10 vjetorin e lansimit të iPhone-it të parë dhe mund të pritet që për këtë moment historik të kompanisë, të zbulohen produkte të reja.