Policia së bashku me një grup punonjesish të Apple kanë nisur kërkimet për prototipin e ri, ende të pa publikuar, iPhone 5, i cili i kishte humbur një prej punonjësve të kësaj kompanie në një bar në San Francisco.
Pasi e gjurmuan pajisjen me GPS, policia kontaktoi me personin e dyshur se ka marrë celularin e mençur Sergio Calderon, i cili lejoi policinë të kërkonte në shtëpinë e tij. Por operacioni i kërkimit përfundoi pa sukses. Siç njoftohet kërkimet vazhdojnë.
Ky lajm vjen ndërsa të gjithë fansat e Apple presin nxjerrjen në treg të iPhone 5. Ky është lajmi i parë i sikletshëm për kompaninë Apple, që pas largimit të Steve Jobs si shef ekzekutiv. /Telegrafi/