Shefja e zyrës së BE-së në Kosovë, Nataliya Apostolova ka reaguar lidhur me djegien e veturës që iu bë deputetit të Kuvendit të Kosovës nga radhët e Listës Serbe, Slavko Simiq.
Apostolova përmes një postimi në Twitter, ka shkruar se pret që policia të kryejë një hetim të shpejtë dhe të plotë lidhur me këtë rast.
“E shqetësuar të dëgjoi raportet për sulmin ndaj pasurisë së njërit prej nënkryetarëve të Kuvendit të Kosovës. Pres që policia të zhvillojë një hetim të shpejtë dhe të plotë në mënyrë që autorët të dalin para drejtësisë”, ka shkruar Apostolova.
Vetura e deputetit të Listës Serbe, Slavko Simiq, është djegur në orët e vona të së mërkurës në veri të Republikës së Kosovës. /Telegrafi/
Worried to hear reports on the attack on property of one of the Deputy Speakers of the #Kosovo Assembly. Expect police to conduct a prompt and thorough investigation in order for the perpetrators to be brought to justice.
— Nataliya Apostolova (@ApostolovaEU) January 9, 2020