Siç raportojnë nga AIM, ministri i Mbrojtjes, Evangelos Apostolakis për gazetën greke “Real news” tha se “përpjekja e vendit tonë është që Greqia të bëhet partneri kryesor i Maqedonisë së Veriut”.
“Bindja ime është se thellimi i bashkëpunimit bilateral në mbrojtje dhe integrimet e Maqedonisë së Veriut në NATO, do të kontribuojnë në përforcimin e marrëdhënieve të ndërsjella dhe në përforcimin e ndjesisë së stabilitetit në rajonin më të gjerë në Ballkan, rajon i njohur për pasigurinë e vet. Institucionalizimi i bashkëpunimit ushtarak me Maqedoninë e Veriut me marrëveshjen e marrëveshjes konkrete, shërben interesave strategjike të Greqisë në rajon. Qëllimi ynë është të kontribuojmë në transformimin sistematik të forcave të armatura të vendit fqinj dhe të plotësohen standardet dhe kërkesat e Aleancës për standardizim”, thotë Apostolakis, përcjell Telegrafi Maqedoni.
Ministri i Mbrojtjes, Apostolakis sqaron se sipas marrëveshjes së nënshkruar me homologen e tij nga Maqedonia e Veriut, më 2 prill në Shkup, ekziston gatishmëri për bashkëpunim për trajnime, ushtrime, siguri cyber, arsim akademik dhe polici ujore “me qëllim ta përparojmë mbrojtjen bilaterale, por edhe të fillojë integrimi i Maqedonisë së Veriut në NATO”.
“Angazhimi ynë është që vendi ynë të bëhet partner kryesor strategjik i Maqedonisë së Veriut. Natyrisht edhe Maqedonia e veriut ka disponim të bashkëpunojë me ne, diçka që përsëri u theksua nga kryeministri dhe ministrja e Mbrojtjes të vendit më 2 prill, dhe fuqimisht besoj se Greqia luan rol udhëheqës në Ballkan në nivel mbrojtjes, gjithmonë duke u bazuar në bashkëjetesën në paqe me shtetet tjera”, sqaron ministri grek i Mbrojtjes, Apostolakis./Telegrafi/