Aplikacioni i ri i Hotmail për Android përfshin disa nga funksionet e avancuara, si pranimin e mailave në kohë reale, dhe jo vetëm kaq.
Për më shumë, aplikacioni i Hotmail në Android gjithashtu mundëson edhe sinkronizimin e kontakteve dhe kalendarit tuaj në telefon, bashkë me folderët e veçantë që janë brenda emailit, ndërsa përdoruesit gjithashtu mund edhe të dërgojnë fotografi përmes telefonit të mençur mobil të cilin ata e posedojnë.
Të gjithë ata që duan ta shkarkojnë aplikacionin e ri të Hotmail në telefonat e tyre Android, mund të gjejnë më shumë informata në dyqanin virtual të aplikacioneve të Google, Android Market, ndërsa shkarkimi i këtij aplikacioni ofrohet pa pagesë. / Telegrafi /