Ajo gjatë vitit të kaluar bëri rikthimin në skenë pas një kohe të gjatë.
Bëhet fjalë për këngëtaren e njohur Anxhelina Hadërgjonaj, e cila në 2020 debutoi me këngë për tregun ndërkombëtar.
Por, duket se në vitin e ri ajo do të sjellë edhe shumë projekte të tjera muzikore për të cilat ka punuar prej vitesh.
Biondja në një postim të fundit të publikuar në InstaStory, ka bërë të ditur se ka nisur xhirimet e “No Drama”.
Ky duket të jetë i radhës projekt që do të realizojë për tregun e huaj, pasi që një kohë të gjatë jeton dhe vepron në Amerikë.
“Kur xhiron No drama, së shpejti”, ka qenë mbishkrimi i fotografisë.
Ndonëse nuk ka zbuluar më shumë, edhe ky projekt i Hadërgjonajt besohet se do pritet mirë nga publiku.
“Precious” ndërkaq për një muaj ka arritur të mbledh mbi 400 mijë klikime në YouTube. /Telegrafi/
