Vajza e këngëtares së mirënjohur, Albërie Hadërgjonaj, Anxhelina, është një personazh mjaft i ndjekur në rrjetet sociale.
Bukuroshja, e cila tash e një kohë jeton dhe vepron në Amerikë, pëlqehet dhe komplimentohet për imazhet e saj, posaqërisht për ato që i ndan me fansat në Instagram.
Së fundmi, ajo ka kopjuar veshjen e yllit botëror, Jennifer Lopez, me të cilën 50-vjeçarja është rikthyer në ceremoninë përmbyllëse të sfilatës për koleksionin pranveror për vitin 2020 në Milano.
Ajo po ashtu në vitin 2000 (dy dekada më parë), është shfaqur në ceremoninë e Grammy Awards të atij viti me një fustan të Versace.
Madje, thuhet se për shkak të atij fustani ishte krijuar edhe ‘Google Images’, duke qenë se njerëzit kishin kërkuar shumë në Google për t’i gjetur fotografitë e J.Lo të asaj mbrëmjeje.
Në prezencën e Donatella Versace, J.Lo padyshim se mori vëmendje të madhe në Javën e Modës në Milano të Italisë, muajin e kaluar.
Nga ana tjetër, Anxhelina përpos fustanit zgjodhi edhe dukjen e përafërt me aktoren Lopez, ndërsa pranoi komente të llojllojshme nga fansat e saj. /Telegrafi/
