Mbledhja qeveritare mes Shqipërisë dhe Kosovës, e cila ishte planifikuar të mbahej nesër në Gjakovë, është anuluar.
Lajmin për anulimin e mbledhjes së dy qeverive e ka publikuar TopChannel.
Zyra e Kryeministrisë ka lajmëruar se kryeministri Edi Rama do të mbajë në orën 19:30 një konferencë për shtyp, ndërsa nuk dihet nëse ka lidhje me këtë vendim.
Në këtë mbledhje ishte planifikuar takimi i kryetarëve të komunave të zonave kufitare në të dyja vendet, ku pritej të diskutoheshin që sfidat të kthehen në mundësi dhe mundësi në përfitim për qytetarët.
Ndryshe Qeveria e Kosovës sot pasdite ua ka shpërndarë mediave agjendën e takimit të nesërm të Qeverisë së Kosovës dhe asaj të Shqipërisë. /Telegrafi/