Edhe pse në start ishin paralajmëruar modelet me 16 dhe 32 GB të flash memories interne për deponimin e të dhënave, duket se nuk do të shohim versionin me 32 GB e kjo pajisje për momentin është në dispozicion vetëm për shfrytëzuesit e rrjetës CDMA të Verizon, derisa versionet GSM nuk kanë furnizim ende.
Sipas informatave të fundit, Samsung hoqi dorë nga zhvillimi i Galaxy Nexus 32-gigabajtësh për rrjetat GSM, gjë e cila gjithsesi nuk është lajmë i mirë për adhuruesit e përmbajtjeve multimediale duke pasur parasysh se pajisja nuk ka sllotin për kartelat microSD. Lajmi për heqjen dorë nga Galaxy Nexus me kapacitet më të lartë e publikuan distributorët Expansys-USA dhe Negri Electronics, derisa Samsung ende zyrtarisht nuk ka konfirmuar këto informata. /Telegrafi/