Në kuadër të javës së 19-të në La Liga, Real Madrid fitoi me rezultatin 1-0 kundër Mallorcas. Ndeshja ishte një sfidë e vështirë për madrilenët, megjithatë ata arritën të siguronin fitoren në këtë takim.
Pjesa e parë e ndeshjes kishte ë një dominim të qartë të LosBlancos. Madrilenët kanë kontrolluar lojën dhe kanë krijuar shumë mundësi për të shënuar, por nuk kanë arritur të tundin rrjetën e mysafirëve.
Për Mallorcan, mbrojtja e tyre ka qenë e fuqishme, duke ndaluar sulmet e vazhdueshme nga ana e vendasve.
😱 Si llega a entrar se cae el Bernabéu…@LaLiga | #LaLigaHighlights pic.twitter.com/WJ9fKCvhZN
— Real Madrid C.F. (@realmadrid) January 3, 2024
Pjesa e dytë nisi po ashtu me një presion të vazhdueshëm nga Real Madrid. Ata vazhduan të mbajnë topin dhe të kërkojnë mënyra për të gjetur rrugën drejt portës kundërshtare.
Goli i fitores erdhi në minutën e 78-të, kur Antonio Rudiger shënoi pas një asistimi të shkëlqyer nga Luka Modric.
⚽ 78' | 1-0 | ¡¡¡GOOOOOOOOOOOOOOOOL de @ToniRuediger!!!#RealMadridRCDMallorca | #FC24 pic.twitter.com/ifgEIcJSZh
— Real Madrid C.F. (@realmadrid) January 3, 2024
Asistimi i kroatit tregoi aftësinë e tij për të krijuar momente vendimtare në fushë. Gjermani ka shfrytëzuar këtë mundësi duke goditur rrjetën e Mallorcas dhe duke siguruar një fitore të rëndësishme për Real Madridin.
Ky rezultat thekson dominimin e Real Madridit në kampionat, duke vazhduar sfidën për titullin e La Liga. Performanca e tyre në këtë ndeshje tregon vullnetin dhe aftësinë e tyre për të kapur momentet kyçe dhe për të kthyer ndeshjet në favorin e tyre.
Real Madridi vazhdon të jetë lider me 48 pikë, ndërsa në xhiron e 20-të takohet me Almerian. /Telegrafi/