Me procedurë të shkurtë, në vetëm pesë minuta, Komisioni Shtetëror për Parandalimin e Korrupsionit (KSHPK) e mbylli lëndën kundër kreut të OBRM-PDUKM-së Hristijan Mickoski, e cila kishte të bënte me marrjen e koncesionit për të ndërtuar hidrocentrale, derisa ai ishte drejtor i ELEM-it dhe këshilltar i ish-kryeministrit Nikolla Gruevski.
Zyrtarët e antikorrupsionit konstatuan se nuk kishte asnjë konflikt interesi për këtë rast, pasi sipas tyre, kur u shpall tenderi, Mickoski nuk kryente asnjë funksion, kështu që çështja u mbyll dhe u arkivu, përcjell Telegrafi Maqedoni.
“Akuzat e publikut dhe mediave rreth pasurisë dhe financimin të kompanive të tij, janë të pasakta. Ai erdhi në Komision dhe ne patëm një intervistë shumë konstruktive. Në prill të vitit 2015 ai u zgjodh këshilltar i kryeministrit të atëhershëm, Nikolla Gruevski. Në momentin e shpalljes së tenderit ai nuk ka kryer asnjë funksion”, tha Katica Nikolovska, anëtare e KSHPK.
Ndryshe, kjo lëndë ndaj Mickoskit u hap pas disa zërave, gjegjësisht një konference të LSDM-së, e cila ftoi Komisionin të shqyrtojë pronësinë e hidrocentralit ku Mickoski ka pasur lidhje si pronar i kompanisë “Energotek DOO Shkup”./Telegrafi/