Ansu Fati do të jetë pjesë e ekipit kombëtares të Spanjës për herë të parë në ndeshjet e shtatorit.
Adoleshenti mund të shkruajë historinë në ndeshjet e Ligës së Kombeve kundër Gjermanisë në Stuttgart dhe Ukrainës në Madrid.
Nëse 17-vjeçari do të gjente rrjetën në cilëndo nga ato ndeshje, ai do të bëhet golashënuesi më i ri në historinë e Spanjës duke e kaluar Juan Errazquin, i cili ende mban rekordin pasi shënoi tre herë kundër Zvicrës kur ishte 18 vjeç, 11 muaj dhe 11 ditë në vitin 1925.
¡¡SÚPER VELOCIDAD ACTIVADA!!
⚡ @ANSUFATI ⚡#SomosEspaña ??#SomosFederación pic.twitter.com/nGS5JrbQPr
— Selección Española de Fútbol (@SeFutbol) August 31, 2020
Udhëtimi i yllit të Barcelonës fillon në në Herrera, Andaluzi, ku babai i tij Boli u transferua në Spanjë, kur u largua nga Portugalia.
Ish-kryetari i Bashkisë së Herreras, Custodio Moreno, ka folur për talentin që kishte Fati si fëmijë duke i mahnitur të gjithë.
“Unë kurrë nuk kisha parë diçka të tillë. Ai ishte më i vogli, por iu desh të luante me [fëmijët] më të mëdhenj, sepse gjërat që ai bënte ishin të pabesueshme”.
“Ai e kalonte topin si [Michael] Laudrup, duke bërë lëvzije me trup, driblime biçikletash, gola, driblime … Ishte i jashtëzakonshëm”.
“Unë kanë parë futbollistë për 50 vjet. Unë kurrë nuk kisha parë diçka të ngjashme”, tregon Moreno për talentin e tij.
Moreno kishte jetuar afër familjes Fati dhe tregon që ylli i ri i Barcelonës ishte shumë i ndrojtur.
“Ai ishte shumë i ndrojtur në shkollë, veçanërisht kur filloi. Kjo është normale. Ai nuk fliste shumë, por ishte shumë i përkushtuar”.
“[Familja Fati] ishin njerëz që i bënin të gjithë për vete. Ata kishin një marrëdhënie të shkëlqyeshme me familjen time”, trego ai.
Ansu Fati luante në ekipin e shkollës së tij, ndërsa kur udhëtuan në një turne në Sevilla, pastaj edhe në Madrid, ishte vetëm çështje kohe para se të vinin klube e mëdha ta kërkonin.
Sevilla u përpoq ta nënshkruante me të, por sulmuesi përfundoi në “La Masia”.
“E vërteta është se Ansu gjithmonë dëshironte të luante për Barcelonën”, tregon Jose Luis Perez Mena, themeluesi i shkollës së futbollit në Herrera.
“Për mua, nuk ishte befasi ajo që po ndodh me të. Ai ka gjithçka që të jetë një fenomen”.
“Ne ende nuk e kemi parë ende potencialin e tij të vërtetë”, ka thënë Mena.
? ¡SESIÓN DE FOTOS!
? ¡La camiseta de @adidas_es sienta genial! ?#SomosEspaña ??#SomosFederación pic.twitter.com/ESFqSkRVUn
— Selección Española de Fútbol (@SeFutbol) September 1, 2020
Fati ka thyer disa rekorde me Barcelonën këtë sezon që sapo lamë pas, si në La Liga ashtu edhe në Ligën e Kampionëve. /Telegrafi/