Banorët e fshatit Kryeshevc, në Komunën e Obiliqit, kanë shprehur shqetësimin e tyre lidhur me faktin se rruga ” Jusuf Shalaku” ende nuk është përfunduar dhe ka mbetur në gjendje të mjerueshme.
Ata kanë dërguar disa pamje në redaksinë e Telegrafit, ku duket qartë se rruga ende nuk është përfunduar.
Banorët theksojnë se kjo situatë po i dëmton më së shumti qytetarët, të cilët detyrohen të kalojnë në këtë rrugë, e cila tani është plot me gropa dhe puseta të hapura.
Kjo gjendje po krijon vështirësi të mëdha për ata që e përdorin këtë rrugë çdo ditë./Telegrafi/