Shumë rrugë në qendër të Tetovës përballen me probleme të shumta, siç janë asfalti i shkatërruar apo mungesa e kanalizimit. Në këtë rrugë të ngushtë që mbanë emrin e ish komunistit rus “Lenin” shumicën e banorëve e përbëjnë shqiptarët. Ata janë ankuar disa herë për gjendjen e keqe të kësaj rruge dhe kanë kërkuar ndihmën e autoriteteve lokale në këtë drejtim por kërkesat e tyre kanë hasur në veshë të shurdhër, raporton Alsat-M.
Autoritetet e ndërmarrjes publike komunale në Tetovë, kanë premtuar se së shpejti do të vendosin kontejnerë, ndërsa drejtuesit e sektorit për komunikacion nuk tregojnë se kur planifikojnë asfaltimin e kësaj rruge që aktualisht ndodhet në gjendje katastrofike. /Telegrafi/
