Spikerja e njohur e lajmeve Anita Haradinaj ka qenë së fundmi e ftuar në emisionin “Top Show Magazine”.
Ajo ka shtjelluar atje programin e kauzës sensibilizuese “Dardani je vesh me diell”, organizatorja e së cilës Albana Osmani e solli pak ditë më parë edhe në Kosovë.
Anita, njëherit është edhe ambasadore e kësaj fushate sensibilizuese për në Kosovë.
E njëjta ka treguar edhe një rrëfim shumë interesant rreth jetës dhe karrierës së saj në përgjithësi.
E pyetur nga moderatori Alban Dudushi se pse zgjodhi Ramushin, ajo u përgjigj duke thënë se kryeministri aktual i Kosovës, e bëri në atë kohë për vete dhe e dashuronte shumë.
Në vazhdimin e rrëfimit, Anita ceku se lidhjen me Ramushin ia kishte rrëfyer fillimisht nënës së saj, e cila nuk e kishte pritur mirë dhe e kishte qortuar atë me arsyen se po lidhej me një figurë publike.
Por, më pas gjithçka kishte përfunduar mirë, kur Haradinaj ishte takuar me prindërit e Anitës dhe kishte shprehur dëshirën për dorën e vajzës së tyre.
Videoja më poshtë sjell rrëfimin e plotë të saj. /Telegrafi/
