Jennifer Aniston ka pranuar se është e entuziazmuar që rikthehet në televizion 13 vjet pasi përfundoi komedinë më të shikuar televizive, “Friends”, në rolin e Rachel Green.
Aktorja 47-vjeçare ka luajtur në filma të ndryshëm pas përfundimit të serialit, i cili pati 10 sezone dhe përfundoi në vitin 2004, transmeton TCH.
Ajo ka pasur dhe role dytësore në televizion, si në serialet “30 Rock” dhe “Cougar Town”, që nga koha e “Friends”, por thotë se ndihet e tunduar për t’u rikthyer në ekranin e vogël në një rol kryesor.
“Jam menduar shumë për këtë. Këtu është puna, këtu është cilësia”, ka thënë Aniston.
“Në këtë pikë të karrierës sime, dua të jem pjesë e historive të mrekullueshme, karaktere të veçanta dhe t’ia kaloj mirë”, ka shtuar aktorja.