Ndarja e Jennifer Aniston dhe Brad Pitt ishte një prej atyre lidhjeve që kujtohen më së shumti. Ata u ndanë pas pesë vitesh martese, dhe menjëherë pas divorcit, thuhej se fajtor për këtë ishte Angelina Jolie, në të cilën aktori u dashurua.
Aniston e pranoi mirë ndarjen dhe kurrë nuk akuzoi Angelinan dhe Bradin në publik. Megjithatë, ajo nuk ishte gjithmonë pa komente për të dashurën e re të ish-burrit të saj.
Një prej reagimeve (jopublike) ka qenë pasi Jolie në një intervistë të vitit 2007, u kishte thënë gazetarëve se Pitt është befasia e saj më e madhe në jetë dhe për shkak të tij ka adhuruar serish aktrimin – transmeton KP.
“Derisa shikonim film, mezi pritja të shkoj në set. U lidhëm menjëherë dhe më vonë kuptuam se ndërmjet nesh kishte diçka më shumë”, ishte shprehur asokohe Angelina, e cila kishte ftuar Jenniferin për takim sy më sy.
Por, Jennifer në vitin 2008 kishte lutur gazetarin e revistës Vogue që të ndalë mikrofonin dhe i tha se ftesa e Angelinas ishte gjëja më qesharake që kishte dëgjuar ndonjëherë.
“Shumë gjëra që ajo i tha në intervistë nuk i kam ditur aspak, përfshirë edhe atë se mezi ka pritur të shkojë në set për shkak të Brad”, ka deklaruar Aniston.