Anija gjigante e kontejnerëve Ever Given, e cila bllokoi Kanalin e Suezit për gjashtë ditë në muajin mars, kaloi sërish rrugën ujore për herë të parë që kur u largua nga Egjipti.
Anija, e cila po udhëtonte nga Mbretëria e Bashkuar për në Kinë, hyri në kanal të premten mes një konvoji prej 26 anijesh që lundronin nga Deti Mesdhe në Detin e Kuq, njoftoi Autoriteti i Kanalit të Suezit. Gjithashtu edhe 36 anije të tjera kaluan rrugën ujore nga jugu.
Një grup pilotësh të lartë SCA dhe dy rimorkiatorë shoqëruan Ever Given gjatë gjithë udhëtimit të tij nëpër kanal, raporton aljazeera.
بالفيديو…عبور سفينة الحاويات البنمية العملاقة #EVERGIVEN بنجاح ضمن قافلة الشمال خلال رحلة العودة بعد تفريغ حمولتها قادمة من المملكة المتحدة ومتجهة إلى الصين #SUEZCANAL pic.twitter.com/MaEeVU6FFQ
— هيئة قناة السويس Suez Canal Authority (@SuezAuthorityEG) August 20, 2021
Anija e operuar nga Tajvani, një nga anijet më të mëdha të kontenierëve në botë, u bllokua nëpër kanal me erëra të forta më 23 mars, duke ndaluar trafikun në të dy drejtimet dhe prishur tregtinë globale.
Pasi u zhvendos, anija 400 metra (1,312 këmbë) u largua nga Egjipti më 7 korrik, 106 ditë pasi u bllokua në një pjesë jugore të rrugës ujore.
Egjipti liroi Ever Given pas negociatave të zgjatura dhe një marrëveshje të arritur midis SCA, pronarëve dhe kompanisë së sigurimeve japoneze të anijes. Kushtet e marrëveshjes nuk u zbuluan publikisht, por Egjipti fillimisht kërkoi më shumë se 900 milionë dollarë kompensim, të cilat më vonë u ulën në 550 milionë dollarë. /Telegrafi/