Anglia pritet të marrë një vendim kontrovers për Kobbie Mainoo para Kampionatit Evropian që do të mbahet në Gjermani.
Mainoo ka qenë një ndër lojtarët kryesorë të Manchester United së fundmi, teksa bëri paraqitjen e tij të dhjetë nga minuta e parë në Ligën Premier, në fitoren me rezultat 2-1 ndaj Aston Villës të dielën.
Përzgjedhësi i Anglisë, Gareth Southgate ishte prezent në “Villa Park” për të parë paraqitjen e Mainoo, në mesin e zë se 18-vjeçari do të zë një vend tek “Tre Luanët” para fillimit të Euro 2024 këtë verë.
Sipas Mail Online, Mainoo, i cili ka të drejtë të përfaqësojë gjithashtu edhe Ganën, do të pranonte një ftesë nga Anglia pasi më herët kishte luajtur për ta tek grupmoshat U16, U18 dhe U19.
Sidoqoftë, adoleshenti i United nuk e ka në plan të marrë një vendim definitiv për karrierën e tij me kombëtare.
Teksa ai do të marrë kohën e tij për të marrë vendimin përfundimtar, Mail ka raportuar se lojtari më shumë mundësi nuk do të ketë një vend tek Anglia, të paktën deri pas përfundimit të Kampionatit Evropian.
Rregullat e FIFA-s thonë se një lojtar mund të ndërrojë nacionalitetin e tij në çdo kohë vetëm nëse ata kanë luajtur në ndeshje miqësore, ndërkohë ata nën moshën 21-vjeçare gjithashtu mund ta bëjnë këtë nëse kanë luajtur më pak se tri ndeshje zyrtare./Telegrafi/