Anglia e ka mposhtur Bullgarinë me rezultat bindës 4-0 në kuadër të kualifikimeve për Euro 2020.
‘Tre Luanët’ kaluan në epërsi me golin e shënuar nga Harry Kane në minutën e 24-të, pas asistimit që pranoi nga Raheem Sterling.
Pjesa e parë përfundoi me epërsinë minimale të Anglisë, derisa në pjesën e dytë u shënuan edhe tre gola të tjerë.
Sulmuesi i Tottenham Hotspur ishte tejet i disponuar për lojë, derisa realizoi golin e tij të dytë dhe të dytin për Anglinë nga ana e penalltisë (50’).
Pesë minuta më vonë, Raheem Sterling dhe Kane i ndërruan vendet, për ta thelluar epërsinë e anglezëve.
Ylli i Spurs arriti që ta kompletonte het-trikun e tij në minutën e 73-të, e që ishte penalltia e dytë në ndeshje për ‘Tre Luanët’.
Më 10 shtator, Anglia e pret Kosovën në ‘St Mary’s Stadium’ të Southamptonit, e që do të jetë një ndeshje e vështirë për tanët.
Pas kësaj fitoreje, Anglia është liderë e Grupit A me nëntë pikë, një më shumë se Kosova, derisa Republika e Çekisë ka gjashtë, Mali i Zi dhe Bullgaria me dy. /Telegrafi/
