Zëvendëskryeministri Koço Angjushev duke u përgjigjur në pyetje të gazetarëve tha se me reformën qeveritare do të punësonte administratorë shtetërorë në kompanitë e tij dhe ata atje do të merrnin më shumë paga.
Angjushev thotë se tek ai do të kishin kushte më të mira dhe dyfish pagë më të madhe, përcjell Telegrafi Maqedoni.
“Merr 16, 17 apo 18.000 për shkak se aq janë pagat dhe nëse dëshiron të rikualifikohet ai në firmë private do të ketë pagë nga 25-30.000 denarë”. tha Angjushev duke thënë se do ta kishte bërë një gjë të tillë.
Angjushev tha se më këtë projekt, kompanitë private do të marrin punëtorë që në fillim i paguan shteti, së paku në gjashtë muajt e para. Plani është që shteti t’i mbulojë të hyrat e tyre deri sa ata të trajnohen./Telegrafi/