Angie Martinez ka një qasje më të thjeshtë ndaj bukurisë këto ditë.
“Tani bëj vet grimin tim. Pandemia na ka detyruar të gjithëve të kthehemi në gjërat bazike”, tha drejtuesja e radios Power 105.1, 50, për Page Six Style.
“Unë në fakt kam përdorur krem hidratues dhe krem dielli çdo ditë. Kremi i diellit është padyshim kryesor, pavarësisht nëse jeni në diell apo jo”, vazhdoi ajo.
Për flokët e saj, Martinez thotë: “Sinqerisht, flokët e mi janë në formë më të mirë se para pandemisë, kështu që unë kam bërë më pak tharje, ose kam përdorur më pak nxehtësi”, tha ajo.
“Unë nuk e di se sa kohë do të jem në gjendje ta mbaj këtë para se të kthehem në rutinë, por ka qenë e dobishme dhe i ka bërë flokët me të vërtetë të shëndetshëm. Po lejoj që vetullat e mia të rriten që të mund t’i riformësoj ato”.
Dhe në vend që të vizitoj palestrën, Martinez po shkon jashtë për shëtitje në përpjekje për të qëndruar në formë.
“Po haja shumë mirë para karantinës, po humbja peshë dhe më pas ndodhi pandemia”, tha ajo. “Por tani jam përsëri në rrugën e duhur dhe po shkoj në drejtimin e duhur, kështu që ndihem mirë për këtë”. /Telegrafi/