Gjenerali Stojçe Angellov, ka dërguar një letër nga Iraku, ku është ankuar se Dragan Pavlloviq-Llatas, ka kërcënuar familjen e tij, përcjell Telegrafi Maqedoni.
Angellov tregon se gruas së tij, Jasminka, i është paraqitur në telefon Anita Begovan, avokate e Llatasit, e cila ka kërkuar që në llogari të Llatasit të transferojë 1500 euro, përndryshe pas disa ditëve do t’i vijë në shtëpinë e saj përmbaruesja Vesna Dellovska.
“Gjatë ditëve të ardhëshme, përderisa unë jam në Irak, ndërsa gruaja ime vetë në shtëpi, do të vijë përmbaruesi me dy policë dhe para fëmijve të mi 7 dhe 8 vjeçar, do të largojnë mobiljet tona nga shtëpia. Mobiljet do t’i shesin, kurse paratë do t’ia dhurojnë Llatasit. Këto para ai i kërkon nga gruaja ime, përderisa unë jam me punë në Irak, këto 1500 euro ai i kërkon për shkak se humba pa të drejtë një padi që e ngrita kundër tij. E kam paditur për shkak se disa orë para se të fillojë heshtja parazgjedhore, në zgjedhjet e 2011, në Sitel lexuan dhe komentuan një letër ku më akuzuan se është e imja”, shkruan në letrën e tij Angellov./Telegrafi/