Angelina Jolie dhe Richard Madden ishin ndër anëtarët e kastit të evakuuar nga grupi i filmit “The Eternals”, pasi në sheshxhirim u gjet një bombë, thuhet sipas raportimeve.
Kasti dhe ekuipazhi i filmit u morën për siguri në Fuerteventura, Ishujt Kanarie, pasi u gjet pajisja e pashpërthyer dhe ekspertët e asgjësimit të bombave u thirrën në vendngjarje, shkruan The Independet.
Një burim nga stafi i tha The Sun: “Ishte tmerruese – bomba mund të kishte qenë atje për dekada e paprekur, por kush e di se çfarë mund të kishte ndodhur nëse do të shpërthente”.
Ende nuk dihet se ku e kishte origjinën bomba apo si arriti në Fuerteventura.
Megjithatë ishulli ishte përdorur më parë si një bazë ushtarake gjermane gjatë Luftës së Dytë Botërore.
Filmi i ardhshëm, i cili në kastin e tij ka gjithashtu yllin e famshëm Kit Harington, përqendrohet rreth një race të qenieve të pavdekshme që jetuan në tokë dhe formësuan historinë dhe civilizimet e saj.
“The Eternals” do të dalë në kinema në Mbretërinë e Bashkuar, në 6 nëntor 2020. /Telegrafi/
