Angelina Jolie ka sakrifikuar edhe një herë jetën për fëmijët e saj.
Në fakt, aktorja hollivudiane ka blerë një shtëpi në afërsi të Brad Pitt, ku raportohet se distanca mes ish-çiftit të jetë 1.6 kilometra.
E gjithë kjo sipas një burimi të afërt me dyshen hollivudiane pasi Jolie kërkon që gjashtë fëmijët e tyre të arrijnë të kalojnë kohë me babanë, transmeton Telegrafi.
“Angelina dhe fëmijët kanë kaluar vjeshtën dhe një pjesë të mirë të verës në Malibu, vetëm një orë larg nga Brad. Gjersa fëmijët shijonin plazhin mund ta takonin edhe babanë. Të gjithë janë shumë të lumtur pasi janë afër dhe do rriten në prani të të atit”, tha një burim për “Hollywood Life”.
Vila e re e 42-vjeçares ka hapësirë të mjaftueshme duke përfshirë një pishinë, palestër dhe dhoma të veçanta për secilin nga fëmijët. /Telegrafi/