Ministrja e Drejtësisë Renata Deskoska, thotë se zgjedhja e anëtarëve të rinj të Komisionit Shtetëror të Zgjedhjeve nuk duhet të varet nga asnjë paket dhe ligj tjetër.
Në pyetjet e gazetarëve në tribunën për financimin e partive politike e organizuar nga Instituti Kombëtar Demokrat, ajo tha se zgjedhja e anëtarëve të KSHZ-së duhet të jetë prioritet dhe nuk duhet të kushtëzohet me amnistinë ose ligje tjera, si ato për qeverinë ose financimin e partive, përcjell Telegrafi Maqedoni.
Sipas Deskoskës, nëse shtyhet zgjedhja, anëtarët e rinj të KSHZ-së mund të jenë të papërgatitur për mbajtjen e referendumit për marrëveshjen me Greqinë.
“Nuk jam pjesë e ekipeve negociuese të LSDM-së dhe OBRM-PDUKM-së dhe për këtë arsye nuk mund të them se cilat janë kërkesat e opozitës në lidhje me financimin e partive”, tha Deskoska.
Ndërsa deputeti i BDI-së Artan Grubi, tha se anëtarët e rinj të KSHZ-së duhet të zgjidhen sa më parë dhe të mos kushtëzohen me ligje tjera./Telegrafi/