Është duke vazhduar xhirimi i një seriali të ri televiziv me titullin “Andrra Amerikane”, duke sjellë në ekran një histori emocionuese që ndërlidh temat e familjes, dashurisë, sfidave shoqërore dhe kulturës.
Seriali do të xhirohet kryesisht në New York, me mundësi shtrirjeje edhe në vende të tjera evropiane.
Ky projekt ambicioz synon të sjellë një përvojë unike për shikuesit dhe të pasqyrojë jetën dhe sfidat e shqiptarëve në diasporë.
Përmbajtja dhe mesazhi
“Andrra Amerikane” ndjek jetën e personazheve që përballen me sfidat e ruajtjes së traditave në një botë moderne, ku ndërthuren dashuria, sakrificat dhe ndjekja e ëndrrave. Seriali synon të frymëzojë dhe të lidhë shikuesit me histori të ndjera dhe të sinqerta që pasqyrojnë realitetin e shqiptarëve në diasporë dhe jo vetëm.
Ekipi i produksionit dhe regjisorët
“Andrra Amerikane” është realizuar nga një ekip profesionistësh të mirënjohur në industrinë e filmit dhe televizionit:
Producentja: Vlora Nikci
Skenaristët: Mike Bencivenga (i njohur për filmat e tij të suksesshëm “Happy Hour,” “Great Plains,” dhe “Born in Flames” ne Hollyëood) Vlora Nikci, dhe Visare Aliu (në episodin e parë).
Regjisorët: Armend Baloku dhe Vlora Nikci
Drejtori i Fotografisë (DOP): Adriatik Berdaku, fitues i dy çmimeve Emmy Award për punën e tij të shkëlqyer si kameraman.
Kameramani: Dave Burdette
Zëri: Luigi Porto
Grimi dhe estetika: kompania Beautybyboomie nga New York
Kasti i aktorëve kryesor
Seriali në episodin e parë do të sjellë në ekran disa nga aktorët e talentuar shqiptaro-amerikanë, përfshirë:
Afrim Gjonbalaj
Vlora Nikci
Armend Baloku
Enxhi Cuku
Adel Lami
Liri Nikqi
Diar Xani
John Gojcaj
Edita Nishliu
Një paraqitje e veçantë mysafire do të jetë sopranoja me famë botërore, Ermonela Jaho.
Në cilësinë e pianistes paraqitet pianistja e njohur Blina Sheholli.
Pritjet dhe transmetimi
Episodi i parë i serialit pritet të shfaqet së shpejti, duke u transmetuar në platforma televizive dhe online, për t’u bërë i arritshëm për një audiencë gjithëkombëtare.
Seriali ka për qëllim jo vetëm argëtimin, por edhe promovimin e kulturës dhe identitetit shqiptar.
Ideatori i këtij projekti është Valon Nikçi dhe nuk do të mund të bëhej realitet pa sponsorin kryesor, kompaninë Link NY Realty, me Valon Nikçin në krye. Projekti gjithashtu ka gjetur mbështetje të madhe nga sponsorë të tjerë, duke përfshirë kompaninë e Art+1 Inc, e drejtuar nga Artan Maksuti, Ari Group Inc, me Eduard Malushi dhe Sokol Malushagën, si dhe veprimtarin e shquar Bruno Selimaj dhe Dr. Sylejman Çelaj.
Mbështetja e këtyre sponsorëve ka luajtur një rol kyç në fillimin dhe vazhdimin e projektit, duke dëshmuar rëndësinë e bashkëpunimit dhe kontributit të komunitetit për të realizuar qëllime të përbashkëta dhe për të promovuar vlerat shqiptare.
