Trajneri i Bayern Munchen, Carlo Ancelotti ka rrëfyer diçka interesante gjatë kohës së tij si trajner i Real Madridit.
Në një intervistë për gazetën spanjolle AS, trajneri italian ka rrëfyer një skandal të madh që kishte ndodhur tek skuadra nga Santiago Bernabeu.
Sipas trajnerit italianit, shumë futbollistë madrilen kalonin shumë kohë në klubet e natës, por pavarësisht kësaj ata nuk ndëshkoheshin nga klubi.
“Në Madrid ka pasur lojtarë që kanë qëndruar në klube të natës deri në ora katër të mëngjesit”, ka thënë fillimisht Ancelotti për AS, përcjell Telegrafi.
“Unë ju thosha se kjo nuk është e drejtë të ndodh, por ishte klubi që duhej të shqiptonte gjoba e jo unë”, ka përfunduar trajneri italian. /Telegrafi/