Menaxheri i Real Madridit, Carlo Ancelotti ka përsëritur se pavarësisht thashethemeve që i lidhin me sulmuesin e Paris Saint-Germain, Kylian Mbappe , ai mendon se skuadra e tyre nuk ka nevojë për të.
Pas fitores së tyre ndaj Manchester United të mërkurën, Ancelotti tha për shtypin se ndjente se skuadra e tij, dhe më e rëndësishmja, sulmi i tij, ishin të kompletuara.
Përpara miqësores së tyre të radhës sot (e shtunë) me Barcelonën, Ancelotti u tha mediave, pasi hodhi poshtë një tjetër pyetje për Mbappe, se ai nuk ishte i sigurt se në cilin sistem do të luanin.
“Nuk më shqetëson që më pyesni për Mbappe… Unë thjesht nuk do të përgjigjem”, ka thënë fillimisht Ancelotti.
“Duhet të kemi vazhdimësi gjatë sezonit, tani është herët për të gjykuar se çfarë do të bëjmë. Ne ende nuk e dimë 100% se çfarë do të bëjmë. Ka një sezon përpara ku duhet të kemi qëndrimin, përkushtimin e duhur…”.
💬 @MrAncelotti 💬
"It's a very tough challenge and we want to keep on progressing."#RealMadridOnTour pic.twitter.com/c1U1uRSdhE— Real Madrid C.F. 🇬🇧🇺🇸 (@realmadriden) July 28, 2023
Për sa i përket përforcimeve, Ancelotti tha për Marca se ai ishte i kënaqur me opsionet e tij ashtu siç janë dhe se ata mund të shënonin gola të mjaftueshëm.
“Ne jemi të kompletuar dhe mjafton. Ata po ecin mirë përpara. Brahim dhe Joselu kanë treguar se mund të kontribuojnë në sulm”, përfundoi trajneri italian.
Italiani beson qartë se shumë nga golat e Real Madridit do të vijnë nga mesfusha, si dhe Jude Bellingham gjithashtu.
Sezonin e kaluar Ancelotti ishte i etur për të nënshkruar numrin nëntë rezervë për Karim Benzema, por deri më tani vetëm Joselu Mato ka hyrë për të zëvendësuar 31 golat e tij sezonin e kaluar. /Telegrafi/