Carlo Ancelotti e ka bërë të qartë se Napoli i tij do të luaj për tre pikët në përballjen e Serie A ndaj Juventusit.
Juventusi e pret Napolin në derbin e javës më fillim nga ora 18:00 dhe kjo pritet të jetë ndeshja më interesante e javës, pasi të dy skuadrat janë në formë të lartë dhe në dy vendet e para në këtë fillim sezoni.
“Disa që luajtën të mërkurën gjithashtu do të luajnë nesër”, ka thënë fillimisht Ancelotti në konferencë për shtyp para ndeshjes.
“Ka pasur disa paraqitje të rëndësishme dhe shumë nga djemtë janë të aftë. Është një provë e rëndësishme, ne jemi në një formë të mirë dhe Juventusi është një provë e mirë”.
Juventus-Napoli, la conferenza di Ancelotti ➡️ https://t.co/mWfQYaukj9 pic.twitter.com/Ypy2Jp1XXl
— Official SSC Napoli (@sscnapoli) September 28, 2018
“Jemi në gjendje të shkëlqyer, ekipi është mirë dhe i motivuar për këtë ndeshje. Do të ketë probleme në zgjedhjen e formacionit sepse më shumë se 11 lojtarë të mi meritojnë të startojnë. Kemi përgatitur veten dhe duam të bëjmë mirë”.
“Barazimi? Unë kurrë nuk kam nënshkruar në jetën time për një barazim. Dua të sjell diçka në shtëpi, konkretisht një fitore”.
“Nuk jam këtu për të shmangur. Kushtet që ne të kemi sukses janë të gjitha: klubi është i organizuar, skuadra ka kualitet dhe tifozët janë të zjarrtë”.
“Ndeshja është me vlerë tre pikë, jo më shumë se kaq, edhe pse një fitore mund të na japë shumë entuziazëm”.
“Favorit apo jo-favorit? Ne do të luajmë për të kufizuar cilësinë e tyre dhe të shprehim veten, nuk po shikoj shanset”.
“Duam të jemi konkurrues në të gjitha garat dhe këto lojëra na ndihmojnë të kuptojmë se sa larg mund të shkojmë”, përfundoi italiani. /Telegrafi/