Carlo Ancelotti nuk ka ndërmend të ndryshojë formacionin 4-4-2 që luan aktualisht te Real Madrid, shkruan Marca.
Trajneri italian tashmë la të kuptohet se do të punojë me skuadrën e tij për të përmirësuar sistemin që tashmë ka filluar ta zbatojë.
“Ne do të luajmë me të njëjtën dëshirë dhe të njëjtin iluzion për të qenë në gjendje të konkurrojmë”.
“Ne duhet të përmirësohemi dhe të punojmë”, kishte thënë Carletto pas ndeshjes në San Mames.
Thuhet se lojtari kryesor në sistemin e ri të Ancelottit është Jude Bellingham dhe jo Vinicius Jr.
Ancelotti e sheh Bellinghamin si një makinë për mesfushë, që mund të vazhdojë të kontribuojë me shumë gola për ekipin.
Anglezi me siguri dëshmoi se është i gatshëm për detyrën e re, ku shënoi një gol të shkëlqyer kundër Athletic Bilbaos, por mbetet për t’u parë se sa larg mund të shkojë.
Siç u raportua më herët, Real Madridi nuk do të nënshkruajë me një lojtar tjetër këtë verë pas ardhjes së portierit Kepa Arizabalaga. /Telegrafi/