Carlo Ancelotti e udhëheq garën për postin e trajnerit të Brazilit, derisa Pep Guardiola duket të mos jetë i interesuar për këtë rol – njofton UOL Esporte.
Tite dha dorëheqje nga Selecao pas eliminimit në çerekfinale të Kampionatit Botëror nga Kroacia.
Mediat braziliane njoftojnë se trajneri i Real Madridit është kandidati kryesor për ta zëvendësuar atë.
Strategu italian ka thënë se pas largimit nga Los Blancos do të pensionohet, megjithatë në bazë të njoftimit, ai kishte shprehur interesim në muajin tetor kur e kishte kontaktuar Federata Braziliane.
Kontrata e Ancelottit në Estadio Bernabeu është valide deri në qershor 2024, prandaj Brazili duhet të gjejë një trajner të përkohshëm për 18 muajt e ardhshëm nëse dëshiron ta presë italianin.
Një opsion ka qenë edhe trajneri i Manchester Cityt, Pep Guardiola, mirëpo spanjolli duket të mos jetë i interesuar, pasi së fundmi e ka vazhduar kontratën e klubin nga Liga Premier. /Telegrafi/
CBF quer técnico de renome internacional e Ancelotti é candidato forte. Já houve uma sondagem feita por terceiros ao treinador do Real no período pre-Copa. Mas muita coisa pela frente ainda e Ednaldo está em silêncio após o Mundial: https://t.co/pCAUCuGTbp
— Rodrigo Mattos (@_rodrigomattos_) December 12, 2022