Trajneri italian, Carlo Ancelotti ka folur për sezonin e Real Madridit, eliminimin nga Liga e Kampionëve, si dhe tranzicionin e mundshëm në ekip.
Real Madridi u eliminua para disa ditësh nga Liga e Kampionëve pas një humbje turpëruese 4-0 në udhëtim te Manchester City në ndeshjen e dytë gjysmëfinale.
Megjithatë, Ancelotti ka theksuar se edhe pse eliminimi dhemb, nuk duhet harruar se ishte gjysmëfinale dhe sezoni deri diku ishte pozitiv.
“Mund të bëhej më mirë, por ka qenë mirë. Sigurisht që nuk jemi të kënaqur me ligën, por kemi luftuar deri në fund në garat e tjera… dhe kemi fituar tre”, ka thënë fillimisht Ancelotti në konferencë.
🔴🎙️ 𝙇𝙄𝙑𝙀: @MrAncelotti speak to the press ahead of #ValenciaRealMadrid! https://t.co/9413fOh8ir
— Real Madrid C.F. 🇬🇧🇺🇸 (@realmadriden) May 20, 2023
Eliminimi nga Liga e Kampionëve
“Është e qartë se është një eliminim që dhemb, por nuk duhet të harrojmë se ishte gjysmëfinale”.
“Kemi qenë afër të luajmë një tjetër finale, jemi të lënduar, por ndonjëherë mund të gjesh një ekip që e bën më mirë. Ju duhet të shikoni kampionët e ardhshëm”.
Tranzicioni veteran-të rinjtë
“Pyetje e mirë! Është e vështirë për mua të përgjigjem, por po… Mendoj se tranzicioni nuk do të fillojë sezonin e ardhshëm”.
“Para se të mbërrija, kjo skuadër, e cila ka bërë gjëra të mëdha, filloi të humbasë pjesë kur Cristiano u largua më 2018. Prej aty kanë filluar të vijnë të rinj me cilësi të lartë”.
“Të gjithë lojtarët përfundojnë duke u zëvendësuar me futbollistë me cilësi të jashtëzakonshme. Pas dy vitesh Vinicius Jr është titullar i padiskutueshëm, Camavinga ka filluar të inkuadrohet, Rodrygo nga bankina”.
“Duket se “tranzicioni duhet të fillojë sezonin e ardhshëm, por tashmë ka filluar”. Të rinjtë do të kenë më shumë rëndësi në ditën kur Modric, Benzema, Nacho, Carvajal… të pushojnë së luajturi për këtë ekip”, përfundoi trajneri italian. /Telegrafi/