Ousmane Dembele raportohet se do të transferohet shumë shpejt te Barcelona.
Anësori i Borussia Dortmundit, Dembele tashmë edhe stërvitjet e ekipit po i bojkoton dhe po kërkon që të largohet prej gjigantit gjerman.
Në lidhje me këtë çështje, ka folur edhe trajneri i rivalit të verdhëve, Carlo Ancelotti.
“Nëse një futbollist nuk dëshiron më të luajë për klubin, atëherë duhet të largohet. Dortmund është shumë i rrezikshëm, është kundërshtari më i tmerrshëm me apo pa Dembele”.
“Ai është një futbollist fantastik, por edhe pa Dembele, Dortmund mbetet një skuadër e rrezikshme. A vlen më shumë se 100 milionë? Kjo është bota e re e futbollit”, deklaroi trajneri i Bayern Munichut. /Telegrafi/