Real Madrid mundi bindshëm Elchen dhe vazhdoi garën me Barcelonën për titull.
Një nga katër golat e Real Madridit u shënua nga Marco Asensio, të cilit i skadon këtë verë kontrata.
Ende nuk është e sigurt nëse ai do ta zgjasë kontratën, ndërsa një nga klubet e interesuara është Manchester United.
Pas ndeshjes me Elchen, gazetarët e pyetën Carlo Ancelottin se çfarë do të ndodhë me Asension.
“A do të qëndrojë Asensio në Real? Ndoshta do, ndoshta jo. Nuk më intereson. Të gjithë kemi sfida të vështira këtë sezon. Gjëja më e rëndësishme është që ai të kontribuojë në ekip me lojën e tij”.
“Le të vazhdojë të luajë siç ka qenë. Më pas drejtuesit e klubit mund të vendosin se çfarë të bëjnë me të”, ka thënë Ancelotti. /Telegrafi/