Sot është tërhequr shorti për sezonin 2017/2018 në La Liga, short ky i cili është tejet atraktiv për shikuesit, por jo dhe aq për klubet pjesëmarrëse. Telegrafi sjellë një seri analizash për këtë short dhe si shihen ndeshjet nga perspektiva e vet klubeve.
Barcelona do të duhet që të shmangë ripërsëritjen e dështimit në Galici nëse dëshiron ta rikthejë titullin e kampionit.
Vitin e kaluar Barcelona arriti dështoi në luftën për titull dhe një arsye pivotale është seria e humbjeve në regjionin veri-perëndimor të Spanjës, ndaj Celta Vigos dhe Deportivo La Corunas.
Blaugranët pranuan katër gola për të dytin sezon radhazi te Celta Vigo në një nga mbrëmjet më të këqija të sezonit, etksa një disfatë shokuese te Deportivo La Coruna erdhi pak ditë pas disfatës poshtëruese nga PSG-ja.
Këtë sezon Barca do të ketë dy udhëtime rresht në këtë regjion gjatë muajit prill, me një vizitë te Celta Vigo që do të ndodhë në javën e 33-të, para udhëtimit tjetër te Deportivo La Coruna nja javë më vonë.
Ndeshjet ndaj këtyre skuadrave do të jenë edhe më të rënëdsishme këtë sezon me Celtan që menaxhohet tash nga Juan Carlos Unzue – ish asistent i Enriques dhe kandidat potencial për ta zëvëndësuar atë para nënshkrimit të Valverdes.
Pritja e Real Madridit dy javë para fundit të sezonit para udhëtimit te Levante dhe pritja e Sociedadit shihet si situatë favorizuese për Barcën në tri javët e fundit të sezonit, sidomos nëse Barca ka kryesimin në tabelë.
Si mendoni ju lexues të nderuar, a është ky short i mirë për Barcelonën?
/Telegrafi/