Analisti Arton Demhasaj, i është bashkuar së fundmi AAK-së. Kjo u bë e ditur në një konferencë për media nga kryetari i kësaj partie, Ramush Haradinaj.
Demhasaj do të jetë pjesë e garës për deputet nga kjo parti.
Haradinaj u shpreh se Demhasaj ka dhënë kontribut të madh si pjesë e shoqërisë civile.
“Arton Demhasaj bashkohet me ne si kandidat për deputet. Ka punuar për 16 vjet si aktivist në shoqërinë civile. Ka qenë bursist i Ambasadës amerikane në programin për transparencë. Ka qenë i angazhuar për 10 vjet si analist në televizionet nacionale”, ka thënë ndër të tjera Haradinaj.
Kryetari i Deçanit, Bashkim Ramosaj theksoi se Demhasaj nga sot do të rrugëtoi me Aleancën për Kosovën fituese.
“Duke e njohur për së afërmi z. Arton Demhasaj dhe familjen e tij ndihem i përmbushur që do rrugëtojmë së bashku drejt fitores! Të jam mirënjohës kryetar Haradinaj. Suksese Arton!”, ka shkruar Ramosaj.
Vetë Demhasaj ka shkruar se ky rrugëtim sfidues e njëkohësisht motivues, ka lënë gjurmë të mëdha e të pashlyeshme në formimin tim, duke më ndihmuar t’i kuptoj dinamikat e jetës sonë shoqërore, të cilat i kam bartur edhe gjatë debateve nëpër studiot televizive kombëtare.
“Megjithatë, përkundër se sfera e shoqërisë civile përbën një veprimtari fisnike, ndryshimi real që i duhet vendit ndodhë në kuadrin e asaj cfarë e përbën vepritmarinë politike. Prandaj sot, po nisë një rrugëtim të ri, tashmë me një kauzë politike, pranë Aleancës për Ardhmërinë e Kosovës dhe nën lidershipin e Kryetarit Ramush Haradinaj, duke qenë kandidat për deputet në zgjedhjet e 9 shkurtit 2025”, ka shkruar Demhasaj. /Telegrafi/
