Amerika nuk punon në dëm të Kosovës, qëndrimet e saj lidhur me demarkimin mes Kosovës dhe Malit të Zi janë të qarta, andaj duhet ndjekur këshillat që vijnë nga ky vend. Kështu vlerësojnë analistë dhe profesorët e të drejtës ndërkombëtare.
Profesorët dhe analistët përmendin rinegocimin dhe arbitrazhin.
Sipas tyre, nuk është në interes as të Amerikës që Kosova të humb territor, e aq më pak të ketë trazira.
Analisti politik, Ilir Ibrahimi thotë se gjithçka është lojë politike.
Ndërsa, Profesori i Marrëdhënieve Ndërkombëtare, Afrim Hoti deklaron se e tërë rrjedha e procesit do të varet nga të gjeturat e komisionit të ri.
Kurse profesoresha e Drejtës Ndërkombëtare dhe ish-gjyqtarja në Gjykatën Kushtetuese, Iliriana Islami, thotë se janë dy kritere kryesore të përcaktuara nga ana e Gjykatës Ndërkombëtare e Drejtësisë.
Ditë më parë, zyrtarë të Malit të Zi janë deklaruar se nuk mund të ketë rinegocim për një marrëveshje tashmë të nënshkruar.
