Ka më shumë se një vit që këngëtarja Ana Kabashi është pjesë e skenës muzikore shqiptare.
Ndonëse gjatë kësaj kohe ka lansuar projekte e bashkëpunime të ndryshme, Ana më shumë përflitet për fizikun e saj se sa për muzikën që bën.
Ajo së fundmi ka qenë pjesë e emisionit “Thumb” gjersa ka folur për jetën, karrierën e më shumë për paragjykimet që i bëhen nga njerëzit.
E pyetur nga moderatorja se sa është e vështirë t’i prekësh majat e suksesit, pasi që ka këngëtarë që këtë e kanë bërë edhe pa ndonjë talent, Kabashi ka thënë se duhet të jesh i poshtër në kuptimin manipulues.
“Duhet të jesh i poshtër, të bësh kompromise, të shkelësh dikënd, madje është një lojë e vështirë dhe e fëlliqur”, ka thënë ajo.
Kur është puna te paragjykimet, Ana thotë se nuk i interesojnë se çfarë thonë të tjerët rreth saj. “Nëse unë nuk kisha dit me këndu atëherë isha prek. Por nëse do dikush të më testojë për të kënduar kam fakte, çohem dhe këndoj, por njerëzit interesohen më shumë te të pasmet e mia se sa vokali”.
Ndryshe, bukuroshja nga Peja ka qenë pjesë e disa garave të rëndësishme për talente, siç ka qenë “Albania’s Got Talent” dhe “The Voice”. /Telegrafi/