Mbrojtësi i Napolit, Amir Rrahmani ka thënë se nuk do të ketë asnjë problem në përshtatje, ndërsa zbuloi se nuk mendoi asgjë tjetër vetëm të bashkohet me napolitanët kur kuptoi interesimin e tyre.
Ish mbrojtësi i Hellas Verona nënshkroi në janar dhe menjëherë u huazua përsëri tek klubi që ishte për pjesën e mbetur të sezonit 2019-20.
Mbrojtësi i Përfaqësueses së Kosovës, po përgatitet për sezonin e tij të parë te Napoli dhe mezi pret të fillojë një kapitull të ri me këtë klub.
“Jam agresiv, i fortë në ajër por edhe në tokë, këto janë karakteristikat e mia. Kam luajtur shumë herë në katër mbrojtës prapa, madje edhe për Kombëtaren unë luaj kështu”.
? #Rrahmani: “I’ve played at full-back before. I’m ready to help the coach in any way I can.”#SSCNSummer20 #Abruzzo20
? #ForzaNapoliSempre pic.twitter.com/2MujcTCqLf— Official SSC Napoli (@en_sscnapoli) August 26, 2020
“Unë nuk do të kem probleme të përshtatem me mbrojtjen e re”, ka thënë ai pas Napoli pëlqen të luajë më katër mbrojtës për dallim nga Verona që luante me sistemin 3-5-2.
Rrahmani thotë se ai mund të funksionojë edhe si mbrojtës i majtë nëse është e nevojshme.
“Në [Dinamo] të Zagrebit kam luajtur shtatë ndeshje në Ligën e Evropës si mbrojtës i majtë. Mund të luaj nëse trajneri dëshiron që unë të jem aty, jam gjithmonë i gatshëm të ndihmoj ekipin dhe trajnerin”.
? The press conference to present @victorosimhen9 and Amir #Rrahmani will be held tomorrow at 15:00 CEST in Castel di Sangro!#SSCNSummer20 #Abruzzo20
? #ForzaNapoliSempre pic.twitter.com/5SjCryIlFO— Official SSC Napoli (@en_sscnapoli) August 25, 2020
“Unë nuk kam shënuar gol me Veronën, megjithëse shpresoj të shënoj këtë sezon me Napolin”.
26-vjeçari kur kishte zbuluar se Napoli kishte shprehur interesin për të, ai nuk ka pasur më asnjë dyshim se ku do të luajë.
“Para disa muajsh, Napoli tashmë shprehu interesin e tyre. Ata kontaktuan agjentin tim dhe Napoli ishte zgjidhja ime e parë”.
“Që nga ai moment, unë nuk mendoja për asgjë tjetër, isha i sigurt se doja të vij këtu”, ka thënë Rrahmani në konferencë për shtyp. /Telegrafi/