Felice Cohen e ka organizuar jetën e saj në gjithsej nëntë metra katrorë. Në banesë nuk ka kuzhinë, në WC mezi futet, ndërsa ata që vuajnë nga klaustrofobia me siguri do të pësojnë sulm me tu futur në shtëpinë e saj vetëm me një shtrat.
Edhe vetë Cohen nganjëherë përjeton sulmin e panikut derisa përpiqet të futet në toalet ose kur shtrihet në shtrat ku tavani është vetëm disa centimetra larg hundës së saj. Por amerikania ka pranuar të jetojë një jetë të tillë. Për një banesë në qendër të New Yrkut paguan gjithsej 700 dollarë në muaj, ndërsa qiraja e banesave në një vend të tillë paguhet në më shumë se 3000 dollarë e më shumë në muaj.
Në këtë banesë Cohen jeton që tri vite. Pasi edhe me profesion është organizatore, ajo ka arritur me sukses ta rregulloj jetën e saj në apartamentin me siguri më të vogël në Amerikë.
Thotë se nuk e ka ndërmend ta ndryshojë stilin e jetesës. Banesa e saj është afër Central Parkut dhe kjoë shtë arsye e mjaftueshme për të jetuar në nëntë metra katrorë. /Telegrafi/
