Një burrë nga Tenesi, SHBA, është akuzuar për vrasjen e të dashurës së tij dhe më pas që tentoi ta shesë makinën e saj së bashku me trupin e saj të pajetë në sediljen e pasme, thane autoritetet.
Sipas BBC, përcjell Telegrafi, Robert Miquel Johnson, 31-vjeçar, dyshohet se u përpoq të bënte tregti me automjetin një ditë para se mbetjet e 44-vjeçares Pamela Paz të gjendeshin nën një mbikalim të Nashville në muajin maj, tha Departamenti i Policisë Metropolitane në Nashville.
Pasi Johnson u soll për t’u marrë në pyetje, detektivët gjetën një dëshmitar i cili pretendoi se ai e pa atë duke u përpjekur të bënte shitjen e tmerrshme të makinës së saj Dodge Charger.
Johnson dyshohet se ka dhënë informacion të rremë kur u pyet rreth vendndodhjes së tij në kohën e vrasjes, thanë policët.
“Ai u intervistua dhe gjithashtu dha një alibi, e cila më pas u vërtetua se ishte e rreme”, tha policia.
Policia deklaroi të hënën se ata ngritën një urdhër arresti duke e akuzuar atë për vrasje.
Johnson aktualisht është prapa grilave për akuza që nuk kanë të bëjnë me këtë çështje në Wilson County, por pritet të esktradohet në Nashville. /Telegrafi/