Nënkryetari i komunës së Prishtinës Avdullah Hoti, i ka njoftuar përfaqësuesit e kësaj korporate, se komuna ka realizuar projekte me partneritet publiko privat, siç është ndërtimi i fshatit ndërkombëtar, e po ashtu ka në planë për të realizuar e dhe projekte të tjera përmes kësaj forme.
“Ne kemi disa projekte që presim t’i realizojmë, dhe gjithashtu jemi të gatshëm për bashkëpunim me të gjitha palët e interesuara”, tha Hoti. Si mundësi e mirë për realizim, sipas tij janë projektet për ndërtimin e garazheve nëntokësore, të cilat pritet të realizohen nëpërmjet PPP-së.
Stephanie Price, ekonomiste ndërkombëtare pranë OPIC-ut tha se janë të interesuar për investime në të gjithë sektorët në vendet në tranzicion.
“OPIC-ku ndihmon sektorin privat të SHBA-së të investojë jashtë shtetit, nxitë zhvillimin ekonomik dhe tregjet e reja, dhe për këtë jemi të interesuar të bashkëpunojmë me komunën e Prishtinës në realizimin e projekteve kapitale përmes ligjit për partneritet publiko privat”, tha Price. /Telegrafi/