Ambasada amerikane ka reaguar përmes një postimi në rrjete sociale në 15-vjetorin e anëtarësimit të Shqipërisë në NATO.
Ambasada thekson se udhëtimi i Shqipërisë me NATO-n ka qenë vërtet i jashtëzakonshëm, ku aktualisht vendi ynë ka siguri, stabilitet dhe qëndrueshmëri.
“15 Vite së Bashku: Udhëtimi i Shqipërisë me NATO-n | Që nga anëtarësimi në NATO në 2009, zhvillimi i Shqipërisë në një partner dhe aleat të besueshëm ka qenë vërtet i jashtëzakonshëm.
Sot Shqipëria ka siguri, stabilitet dhe qëndrueshmëri – sot Shqipëria ka NATO-n. Së bashku, ne qëndrojmë më të fortë. Edhe shumë vite të tjera si aleatë në NATO!”, shkruan ambasada amerikane. /Telegrafi/
